الغسالة الفل اتوماتيك full automatic

كيف ممكن نقنع جارتنا الختيارة انو بكفي تتعب وهي تغسل على غسلتها الموديل قديم (الغسالة اللي بحوضين)
بتتذكرواها اكيد
صوتها عالي جداً متل صوت الشاحنة على الشارع
بتاخد مي\ ماء كتير وبتضل درجة حرارة المياة مرتفعه
طبعا بتكهرب اي حدا بقرب منها بتضربو الكهرباء
الغسيل بياخد ساعات من الساعة 6 الصبح للساعة 1 الظهر
عدد الدورات مصيبة
اه صحيح الابيض لازم ننقعو ولازم نحط كلور
ولنفرك ونشطف كل الغسيل الوسخ والله مصيبة
يا ويلي عليهم ستاتتنا  وامهاتنا كانوا يهلكو المسكينات

مهم فكرو معي كيف ممكن نقنع جارتنا الختياره بالغسالة الفل اتوماتيك
قلنالها احسنلك
ما بتتعبي هي بتلف وبتدور لحالها فش حاجه تضلي واقفه تراقبي
ما في داعي لتنقعي ولا تشطفي الغسيل قبل الغسيل
ما تقلقي هي بتعصر لحالها
بس طبعا ما بتنشرلك الغسيل
 جارتنا الختيارها بتكرها للغسالة فكركم ليش
لانو هي خايفه يحكو عنها جارتها  انها قليلة حيلة وكسولة ومش نظيفه  مع انو كل جارتها اللي بجيلها ماتوا ، وماتو من زمان
هي بتكرها للغسالة لانو بتضل تتحرك وتهتز ليش هي مش فاهمة
هي مش فاهمة كيف بتشتغل الغسالة بتخاف تنسى كيف بتتشغل
جارتنا الله يسعدها
ما بدها تشتري وتستعمل الغسالة الفل اتوماتيك لانو هي اتعودت ع غسلتها

هي وغسلتها طلعو عشرة عمر

الله يطول بعمركم\ن يا كبارنا
والله ع راسي


س.ع